友父

聞名不如見面。型, 且神秘。


有晚影癮發作, 便問朋友去不去影夜景, 那時已經9.00pm.。

「不如去穗禾苑。」他說。我因約了人11.00pm.跑步而踟躕。

「我爸爸車。沒事的。」

其實, 都想見見他的爸爸, 因為從其他朋友口中得知, 他是很型的, 很神秘的:

白頭髮, 戴Ray Ban, 著Red Wings, 駕駛「積架」。天天下午二時先上班。


上了車, 扣好安全帶, 開車。

「阿仔, 其實夜晚影呢條橋都好靚, 好似時光隧道。」

到了大圍附近。

「阿仔, 其實如果可以停係度影, 用wide鏡影都唔錯。」

又回到火炭。

「阿仔, 其實以前我地影相, 一張要成十幾蚊, 所以影一張都要諗過度過。 雖然話宜家d 菲林唔駛錢, 但影之下應該都要諗清楚先好影。」

最後到獅子亭影相。向下俯視, 美得令人連拍攝的目的也忘了。 手叉著腰, 環看四周, 一覽沙田全景。

其實由始至終, 他的爸爸與我沒什直接交談。次次都是「阿仔……」, 又或是透過我朋友,如傳話般。

當然不是介意, 只是有點怪。